ಕವಿತಾ: ಪುಂತಿಂಗೊಳಾಂತ್ ಪಾವ್ಸ್ ಆಯ್ಲಾ 
 

ಬ್ಯಾಪ್ಟಿಸ್ಟ್ ಸಿಕ್ವೇರ, ಮೂಡುಬೆಳ್ಳೆ

ಪುಂತಿಂಗೊಳಾಂತ್ ಪಾವ್ಸ್ ಆಯ್ಲಾ
ಪೂನ್ ಕಾಂಯ್ ಕಿತೆಂ ಉಣೆಂ ಜಾಲಾಂ?

ಪುಂತಿಂಗೊಳ್ ಡ್ ಬರ್ಸ ಬತ್oಡಾ ಪುಚ್ಚೆಲಾ ಉಪಾಶಿ ಬೂರುಂಡ್ಗೆ
ಮಾಲ್ಘಡ್ಯಾಂಚ್ಯಾ ಗಾದಿಂತ್ ರೊಂಬ್ಲಾ ಉಸ್ಕಾರ್ ಯೆಕಾ ಅಕಾಂತಚೊ, ಸುಸ್ಕಾರ್ ಯೆಕಾ ನಿರಾಶೆಚೊ
ಪುಂತಿಂಗೊಳಾಂತ್ ಪಾವ್ಸ್ ಆಯ್ಲಾ
ಪೂನ್ ಕಾಂಯ್ ಕಿತೆಂ ಉಣೆಂ ಜಾಲಾಂ?

ಪುಂತಿಂಗೊಳಾಂತ್ ಪಾವ್ಸ್ ಆಯ್ಲಾ, ಕಾರ್ಕೊಳ್ ಫೆಸ್ತ್ ಗೆಲಾಂ ಬಿಜೊನ್
ಬಾಕಿ ಉರ್ಲ್ಯಾ ಆಂಗೊಣ್ ಸಾಂತಾಕ್, ಲಿಪ್ಲಾ ಕರ್ಬೊಂಳ್ ಪಾತಿ ಕಣ್ಸಾ ಪೊರ್ಮೊಳ್
ಪುಂತಿಂಗೊಳಾಂತ್ ಪಾವ್ಸ್ ಆಯ್ಲಾ
ಪೂನ್ ಕಾಂಯ್ ಕಿತೆಂ ಉಣೆಂ ಜಾಲಾಂ?

ಪುಂತಿಂಗೊಳಾಂತ್ ಪಾವ್ಸ್ ಆಯ್ಲ್ಯಾರ್ ತಣಾ ಗುತ್ಯೊ ಪಾಲೆವ್ನ್ ತಿಳ್ತಾತ್
ಬೊಂತಿಗೊಳಾಚಾ ದಾವೆನ್ ಸುಕೊನ್ ಜಾನ್ವಾರಾಂ ಪೊಟಾಕ್ ಪೊಡ್ತಾ ಫಾತೊರ್
ಪುಂತಿಂಗೊಳಾಂತ್ ಪಾವ್ಸ್ ಆಯ್ಲಾ
ಪೂನ್ ಕಾಂಯ್ ಕಿತೆಂ ಉಣೆಂ ಜಾಲಾಂ?

ಪುಂತಿಂಗೊಳಾಂತ್ ಪಾವ್ಸ್ ಆಯ್ಲ್ಯಾರ್ ಆಂಬ್ಯಾ ಫುಲಾಂ ಜೊಡೊನ್ ಕುಸ್ತಿತ್
ಪೊಣ್ಸಾ ರುಕಾಚ್ಯಾ ದಾಟ್ ಖಾತಿರ್ ಪೊಣ್ಸಾ ಪಿಲೊ ಕೆದ್ನಾ ಪುಟಾತ್?
ಪುಂತಿಂಗೊಳಾಂತ್ ಪಾವ್ಸ್ ಆಯ್ಲಾ
ಪೂನ್ ಕಾಂಯ್ ಕಿತೆಂ ಉಣೆಂ ಜಾಲಾಂ?

ಪುಂತಿಂಗೊಳಾಂತ್ ಪಾವ್ಸ್ ಆಯ್ಲ್ಯಾ, ಸುಗ್ಗಿ ಬಿಜೊನ್ ಪೊಟಾಕ್ ಉಜೊ ಪೆಟ್ಲಾ
ತೀಳ್ ಮೂಗ್ ಉಡ್ದಾ ಸಾಂಗೊ ಜಾಡಾರ್ ಕುಸೊನ್ ಗಾದ್ಯಾಂತ್ ಗಾಣ್ ಉಟ್ಲ್ಯಾ
ಪುಂತಿಂಗೊಳಾಂತ್ ಪಾವ್ಸ್ ಆಯ್ಲಾ
ಪೂನ್ ಕಾಂಯ್ ಕಿತೆಂ ಉಣೆಂ ಜಾಲಾಂ?

ಪೂನ್ ನಂಯ್ ದೇವಾ ಉಣೆ ಜಾಲಾಂ, ಶಾಥಿ ತುಜಿ ಮೊನ್ಸ್ಯಾಕ್ ದಿಸೊನ್ ಆಯ್ಲ್ಯಾ
ಭುಂಯ್ಚೆರ್ ಮೊನ್ಶ್ಯಾ ಮೋಗ್ ದೆವ್ಲಾ, ಸುಕಿ ಭುಂಯ್ ಆಪ್ಣಾಕ್ ಚ್ ಸುದಾರ್ಸುಂಕ್ ಲಾಗ್ಲ್ಯಾ.
ದೆಕುನ್oಚ್ ಆಂವ್ದುಂಯ್ ಪುಂತಿಗೊಳಾಂತ್ ಪಾವ್ಸ್ ಆಯ್ಲಾ.